OpenHand hf

Verulegur skortur hefur verið á stórnotendaumhverfislausnum fyrir iPhone allt frá því að fyrsta útgáfa símans leit dagsins ljós.  Svo mikill að Gartner ályktaði að síminn væri ekki hæfur fyrir "enterprise" umhverfi og að öryggislega væri síminn ekki búinn til að virka innan um kerfi sem gerðu kröfur um hátt öryggisstig og verndun gagna.  Með nýrri útgáfu af símanum var lausnum bætt við síman sem gera hann auðveldari í tengingu við Exchange umhverfi en önnur kerfi hafa þurft að bíða betrumbóta Apple.  Þar má nefna Lotus Domino, Communigate, Novell Groupwise, Commuinigate o.fl. stór kerfi sem eru notuð víða í fyrirtækjum og stofnunum.

OpenHand vinnur nú að prófunum á nýrri lausn í Apple iPhone símana og geta notendur orðið sér út um lausnina innan skamms.  Þetta gerir það að verkum að iPhone notendur geta líkt og aðrir OpenHand notendur nálgast meira en bara póstinn sinn, en OpenHand veitir aðgang að ýmsum sérlausnum á innri netum, skrám, verkefnalistum, innri vefsíðum og svo auðvitað dagatali og tengiliðum.  

Þetta dæmi sannar best hve mikilvægt það er að notast sé við viðurkennd og örugg kerfi sem ekki eru aðgengileg hverjum sem er hvar sem er.  Við höfum einmitt lagt ríka áherslu á að menn noti búnað sem setur upp dulkóðaða tengingu milli starfsmanns og höfuðstöðva og bjóði ekki öðrum en þeim sem hafa öryggiskóða, hugbúnað og svo hefðbundið notandanafn og lykilorð aðgang. 

Ekki er nema dagsgömul fréttin um gögnin sem töpuðust í Bretlandi en þetta, það og þjófnaðurinn á fartölvunni í Læknagarði um daginn sannar að menn hugsa síðast um öryggi gagna sinna og viðskiptavina sinna.  Hefðu notendur nýtt sér OpenHand hefði þetta ekki þurft að koma upp á.

Hvet alla sem áhuga hafa á öryggismálum sem þessum að hafa samband við okkur vilji þeir vita meira eða koma til okkar upplýsingum um tengd dæmi. 

	Ný tegund Nígeríusvindls herjar á netföng Gmail
Ábyrgðarmaður færslu Tilkynna um óviðeigandi tengingu við frétt

Viðtal Frjálsar verslunar við Frosta Heimisson: framkvæmdastjóra OpenHand.

Smellið hér

Í dag heimsótti Össur Skarphéðinsson iðnaðarráðherra og aðstoðarmaður hans, Einar Karl Haraldsson, OpenHand og fengu að kynnast vöruúrvali fyrirtækisins og þjónustu. Farið var yfir helstu áherslur OpenHand og kosti vörunnar umfram samkeppnisaðila okkar og möguleikar innan opinbera geirans reifaðir. Ekki var úr vegi að fá heimsókn “útrásarráðherrans”, eins og hann nefndi sig sjálfur, enda hyggur OpenHand á öfluga markaðssókn erlendis á næstu misserum.

Össur lauk heimsókn sinni á að opna formlega nýja vefsíðu OpenHand á Íslandi, www.openhand.is,  en hún er lokahnykkurinn á útlitsbreytingu OpenHand sem nýverið tók upp nýtt og ferskt vörumerki auk kynningarefnis sem finna má á síðunni nýju.

OpenHand þakkar þeim félögum kærlega fyrir heimsóknina og gott spjall.