Mikilvægt að menn noti viðurkenndar lausnir

Þetta dæmi sannar best hve mikilvægt það er að notast sé við viðurkennd og örugg kerfi sem ekki eru aðgengileg hverjum sem er hvar sem er.  Við höfum einmitt lagt ríka áherslu á að menn noti búnað sem setur upp dulkóðaða tengingu milli starfsmanns og höfuðstöðva og bjóði ekki öðrum en þeim sem hafa öryggiskóða, hugbúnað og svo hefðbundið notandanafn og lykilorð aðgang. 

Ekki er nema dagsgömul fréttin um gögnin sem töpuðust í Bretlandi en þetta, það og þjófnaðurinn á fartölvunni í Læknagarði um daginn sannar að menn hugsa síðast um öryggi gagna sinna og viðskiptavina sinna.  Hefðu notendur nýtt sér OpenHand hefði þetta ekki þurft að koma upp á.

Hvet alla sem áhuga hafa á öryggismálum sem þessum að hafa samband við okkur vilji þeir vita meira eða koma til okkar upplýsingum um tengd dæmi. 

Ný tegund Nígeríusvindls herjar á netföng Gmail

Athugasemdir

[OpenHand hf, 12.6.2008 kl. 16:22]

Rétt er það Einar.  Kannski hefði ég átt að segja viðeigandi.  Hér er frekar verið að benda á þá staðreynd að svona kerfi liggja yfirleitt undir meiri árásum en þau sem erfiðara er að komast að og eru ósýnilegri þeim sem stunda þessa vafasömu iðju.  Það að fara á netkaffihús í Nepal og skrá sig inn þar er ábyrgðarlaust með öllu nema að menn geti tryggt að ekkert sitji eftir á viðkomandi vél.  Okkar lausnir eru einmitt hugsaðar til þess að hætta á slíku sé minnkuð eins og mögulegt er og að auki eru gögn aldrei geymd á neinu tæki OpenHand, hvorki tölvum né farsímum.  Skiptir kannski minna máli fyrir Einar persónulega en stofnanir og fyrirtæki ættu aldrei að láta slík mál mæta afgangi.

[Bjarni Rúnar Einarsson, 12.6.2008 kl. 16:24]

Staðreyndin er sú að ef menn láta glepjast og gefa upp lykilorðin sín á röngum stað, eða láta glepjast og setja upp vafasaman hugbúnað á tölvum sínum, þá eru flestar svona tæknilegar öruggislausar vitagagnslausar.

Ef þú hefðir ætlað að gera einhverjum raunverulegan greiða hefðirðu skrifað um hvernig megi forðast svona vandræði (það er ekki flókið).  En nei, markmiðið hér er bara að hræða fólk og selja þeim svo öryggistilfinningu.

Kannastu við FUD hugtakið?

[OpenHand hf, 12.6.2008 kl. 18:06]

Já, góður punktur með VPN og slíkt.  Það vill svo til að OpenHand býr einmitt til VPN pípu milli tækis og servers og því er þetta viðhaft hvenær sem OpenHand tengist, algjörlega óháð því hvort menn hafi sértilgerðar VPN gáttir inn á netkerfi sín.  Gagnamagn kostar minna og minna en eftir situr að flækjustig tengingarinnar má ekki vera nema ákveðið hátt svo notendur nenni hreinlega að viðhalda öryggi. 

Afþví að ég var inntur að leiðbeiningum eða ráðleggingum til þeirra sem vilja ekki lenda í svona þá er það vissulega að hreinlega nota ekki vefpóstsaðganga né nokkra aðra á annarra manna vélum, sérstaklega opinberum.  Einkabankar bjóða flestir upp á notkun öryggislykla og það verður að teljast öruggasta leiðin.  Ef menn nota almenningstölvur til samskipta á þennan hátt má bóka að hægt sé með einhverjum móti að skoða þau gögn síðar meir, jafnvel þótt menn hreinsi upp eftir sig.  Ekkert mál er t.d. að taka forsniðinn harðan disk og endurheimta af honum gögnin.

Annar þáttur sem við höfum bent á er stóraukin notkun fólks á minnislyklum og öðrum færanlegum miðlum en þetta hefur gert það að verkum að sífellt fleiri mál eru að koma upp þar sem gögn finnast á víðavangi.  Er fólk t.d. meðvitað um að ef það notar Outlook í vinnunni á ferðatölvunni þá eru öll póstgögn á þeirri vél þegar farið er með hana af vinnustaðnum.  Þetta er ein af þeim fjölmörgu ástæðum að bretar eru í auknum mæli farnir að skipta út og setja inn OpenHand.  Með því fá starfsmenn fullan aðgang að gögnum fyrirtækisins en geta aðeins komist í þau gögn á meðan tenging þeirra er virk við fyrirtækið.  Þetta stóreykur öryggið og fyribyggir að starfsmenn fari á flakk með viðkvæm gögn.

[Jóhannes Reykdal, 12.6.2008 kl. 18:39]

Það eru nú yfirgnæfandi líkur á að lykilorðið hafi verið veitt úr tölvunni hjá notandanum eða "phishing" aðferðum beitt.

 Besta leiðin til að verjast gegn svona er heilbrigð skynsemi og að forðast ruslhugbúnað eins og Windows :)

[flakkari (IP-tala skráð) 13.6.2008 kl. 01:08]

En hvað á maður a gera ef maður er flakkandi út um allan heim og þarf að komast í póstinn?